काठमाडौँ – राष्ट्रिय जनगणना २०७८ सुरु भएको छ। जिल्ला जनगणना कार्यालयको नेतृत्वमा सबै स्थानीय तहमा एकसाथ राष्ट्रिय जनगणना सुरु गरिएको हो।
शनिबारदेखि भने देशभर मुख्य गणनाका लागि गणकको तालिक सुरु गरिएको जिल्ला जनगणना कार्यालय, काठमाडौंका सहायक जिल्ला जनगणना अधिकारी बलराम दुलालले जानकारी दिए।
यो तालिम कात्तिक १७ गतेसम्म हुनेछ। काठमाडौं जिल्लाबाहेकका अन्य जिल्लामा भने कात्तिक १६ गतेसम्म मात्रै गणकको तालिमको व्यवस्था गरिएको काठमाडौंका सहायक जिल्ला जनगणना अधिकारी दुलालले बताए।
केन्द्रीय तथ्यांक विभागले कात्तिक २५ गतेदेखि मंसिर ९ गतेसम्म मुख्य गणनाको काम सुरु गर्दै छ। सोही गणनाका लागि गणकको तालिम सुरु गरिएको काठमाडौं जिल्ला जनगणना अधिकारी धर्मरत्न बज्राचार्यले बताए।
मुख्य जनगणनाका लागि काठमाडौंमा ३ वटा स्थानमा ४५७ जना गणक सो तालिममा सहभागी भएका छन्।
‘मेरो गणना, मेरो सहभागिता’ भन्ने मूल नाराका साथ सुरु भएको जनगणनामा सहभागी हुन केन्द्रीय तथ्यांक विभागले सबैलाई आह्वान गरेको छ।
भर्खरै
लोकप्रिय
