एक्लै हिँडे अहंकार मात्रै हुन्छः प्रचण्ड

काठमाडौं – नेकपा माओवादी केन्द्रका अध्यक्ष पुष्पकमल दाहालले कुनै पनि पार्टीले एक्लै हिँड्ने प्रयत्न गरे अहंकार मात्रै हुने बताएका छन्।

नेपाली कांग्रेसको महाधिवेशनलाई सम्बोधन गर्दै उनले शुक्रबार भने, ‘अहिले प्राप्त उपलब्धि पनि सामूहिक रुपमा हासिल गरेको र आगामी दिन कसैले एक्लै हिँडे अहंकार मात्रै हुन्छ।’

उनले सत्ता साझेदारमा रहेका दलप्रति संकेत गर्दै यस्तो बताएका हुन्। आउँदै गरेको स्थानीय तहको निर्वाचन, प्रदेश र संघको निर्वाचनलाई समेत लक्ष्य गर्दै उनले सबै सँगै जानुपर्ने बताए।