पत्रकार सचित राईको ‘साकेला नाच्दा’ सार्वजनिक

काठमाडौँ – पत्रकार सचित राईको शब्द रहेकोे ‘साकेला नाच्दा’ गीत सार्वजनिक भएको छ। यसमा थिरज राईले संगीत भरेका छन् भने राजेशपायल राई र मेलिना राईको स्वर रहेको छ। यो गीतको भिडियोको निर्देशन विल्सनविक्रम राईले गरेका छन्।

भिडियोमा चर्चित कलाकार एकसाथ देखिएका छन्। जसमा दयाहाङ राई, विल्सनविक्रम राई, समृद्धि राई, एलिसा राई, उमेश राई (फुलन्देकी आमा), श्याम राई, अनुसा राई, एलिस राई, सीता राई विशाल लिम्बू छन्।

यसमा कमल राईको कोरियोग्राफी छ भने यो भिडियो युट्युब च्यानल तक्मेबुढा डटकमले उधौली चाड सुरु भएकै दिन सार्वजनिक गरेको हो। यसको निर्माता विजय चाम्लिङ र सहनिर्माता कैलाश राई हुन्।