अ
+
अ
अ
-
बुटवल – पाल्पामा बस दुर्घटना हुँदा मृत्युु हुनेको संख्या ८ पुगेको छ।
बुटवलदेखि शव दाहसंस्कारका लागि रुरुक्षेत्र कालीगण्डकी रिडी हिँडेको लु १ ख ७२७९ नम्बरको बस रिब्दीकोट गाउँपालिका–३, लघुवामा दुर्घटना भएको हो।
दुर्घटनामा सात जनाको घटनास्थलमै र एक जनाको उपचारका क्रममा मृत्यु भएको हार्थोक प्रहरी चौकीका प्रहरी सहायक निरीक्षक (असई) विष्णु रेग्मीले जानकारी दिए।
दुर्घटनामा ज्यान गुमाएकाहरूको सनाखत भएको छैन। अर्घाखाँचीको मालारानी गाउँपालिका-२, कुभिण्डे स्थायी घर भई हाल बुटवल रानीगञ्ज बस्दै आएका ७० वर्षीय वीरबहादुर विश्वकर्माको निधनपछि मलामी गएकाहरू चढेको बस दुर्घटनामा परेको प्रहरीले जनाएको छ।
बसमा अर्घाखाँची मालारानी-२ का धेरै व्यक्ति सवार रहेको बताइएको छ। उद्धार जारी रहेकाले घटनाको विस्तृत विवरण आउन बाँकी छ।
भर्खरै
लोकप्रिय
