आगाे ताप्दै गरेकाे ढिस्काे खस्दा २ जनाकाे मृत्यु, ५ जना घाइते

बुटवल – बुटवलमा माटोको ढिस्कोले पुरिएर २ जनाको मृत्यु भएको छ। अरू ५ जना घाइते भएका छन्।

बुटवल उपमहानगरपालिका–११ प्रगतिनगरमा बुधबार राति तिनाउ नदी किनारमा आगो ताप्ने क्रममा एक्कासी माटोको ढिस्को खसेकाे थियाे।ढिस्कोसँगै खसेर ५ जना घाइते भएका थिए। घाइतेमध्ये २ जनाको उपचारको क्रममा मृत्यु भएको वडा प्रहरी कार्यालय रामनगरले जनाएको छ।

मृत्यु हुनेमा ३२ वर्षीय गणेश थापा र १७ वर्षीय शिव थापा रहेका छन्। नदी किनारमा आगो तापिरहेका २३ वर्षीय केशव पुरी, ३२ वर्षीय अशोक गाहा र ३३ वर्षका सलिम अली घाइते भएको प्रहरीले जनाएको छ।

घाइतेहरुको बुटवलको लुम्बिनी प्रादेशिक अस्पतालमा उपचार भइरहेको छ।