ग्लोकल आफ्टर स्कुलद्वारा अपेक्स कलेजको सहकार्यमा अनलाइन हाजिरीजवाफ प्रतियोगिता गरिने

काठमाडौँ – ग्लोकल आफ्टर स्कुलले अपेक्स कलेजको सहकार्यमा एकदिने अनलाइन हाजिरीजवाफ प्रतियोगिता आयोजना गर्ने भएको छ।
प्रतियोगितामा १६–२४ वर्षका युवा वर्गले निःशुल्क प्रतिस्पर्धा गर्न पाउनेछन्।

युवाको बौद्धिक क्षमता विकास गराउने उद्देश्यले प्रतियोगिता आयोजना गरिएको हो। प्रतियोगिताको ४ संस्करण सफलतापूर्वक सम्पन्न गरिएको आयोजकले जनाएको छ।

प्रतियोगिता फेब्रुअरी १२ मा एकल राउन्डमा सञ्चालन गरिनेछ। प्रतियोगिता २ फरक विधामा सञ्चालन हुनेछ जसअन्तर्गत आइटी तथा व्यापार एवं पर्यटन र आतिथ्यसम्बन्धी प्रश्न सोधिनेछ।

दुवै विधामा आवेदन खुलेको आयोजकले जानकारी दिएका छन्। दुवै विधा प्रतियोगिताका विजेता, पहिलो रनर अप र दोस्रो रनर अपलाई क्रमशः १५ हजार, १० हजार र ५ हजार नगद पुरस्कार प्रदान गरिनेछ।

प्रतिस्पर्धा मापदण्डः

– प्रतियोगी १६ देखि २४ वर्ष उमेर समूहको हुनुपर्नेछ ।
– सबै प्रतियोगीसँग २ उपकरण हुनुपर्नेछ (प्राथमिकताः ल्यापटप, मोबाइल)
– आइटी तथा व्यापार एवं पर्यटन र आतिथ्य विधाको आवेदन भर्ने अन्तिम मिति क्रमशः फेब्रुअरी ११ तथा १० निर्धारण गरिएको छ।