गाँजासहित महोत्तरीबाट एक जना पक्राउ

जनकपुरधाम – गाँजासहित एक जना पक्राउ परेका छन्। पक्राउ पर्नेमा सिन्धुपाल्चोक ४ का रमेश राणा मगर रहेको प्रहरीले जनाएको छ।

विशेष सूचनाको आधारमा लागुऔष नियन्त्रण ब्युरो शाखा कार्यालय वीरगञ्जबाट खटेको प्रहरी टोलीले सिन्धुलीबाट बर्दिबास आउँदै गरको बा ८८ च ३९५५ नम्बरको पिकअपबाट ८५ केजी गाँजा सहित राणालाई पक्राउ गरेका छन्।

प्रहरी नायब निरीक्षक तुलप्रसाद पुडासैनीको कमाण्डमा खटेको प्रहरी टोलीले शुक्रवार साँझ राणालाई गाँजासहित पक्राउ गरेको छ। पक्राउ परेका राणा इलाका प्रहरी कार्यालय बर्दिबासको नियन्त्रणमा छन्। यस सम्बन्धमा थप अनुसन्धान भइरहेको प्रहरीले जनाएका छन्।