बुटवलको मेयर र उपमेयरमा जसपाद्वारा उम्मेदवारी दर्ता

बुटवल– सत्ता गठबन्धनमा रहेको जनता समाजवादी पार्टीले बुटवल उपमहानगरमा प्रमुख र उपप्रमुखमा उम्मेदवारी दर्ता गरेको छ।

आइतबार अपराह्न बुटवलस्थित निर्वाचन कार्यालयमा सुरज हितान मगर र उपमेयरमा सम्झना पौडेलले मनोनयन दर्ता गरेका हुन्।

सत्ता गठबन्धनमा रहेको जसपाले बुटवल उपमहानगरमा आफ्नो पार्टीको अस्तित्व स्वीकार नगरेकाले बाध्य भएर उम्म्देवारी दिनुपरेको जनता समाजवादी पार्टीका केन्द्रीय सदस्य तथा लुम्बिनी प्रदेश सहइन्चार्ज कमल खनालले बताए।

पहिलो दिन प्रमुख र उपप्रमुखको मनोनयन गरेको बताउँदै सोमबार १९ वटै वडामा मनोनयन गर्ने बुटवल नगर इन्चार्ज नाराण नागिलाले बताए।