बुटवल- रुपन्देहीको तिलोत्तमामा दुई दिनदेखि स्थगित मतगणना सुरु भएको छ।
गणकहरूले एमालेको पक्षमा मत बढाएर अभिलेख राखेको पाइएपछि विवाद सिर्जना भएको थियो। विवादका कारण मंगलबार बिहान ३ बजेदेखि मतगणना रोकिएको थियो।
एमाले बाहेकका ६ दलले वडा नं २ र १६ को पुनः मतगणना गर्न माग गर्दै निर्वाचन आयोगमा निवेदन दिएका थिए।
निर्वाचन आयोगले वडा नं २ र १६ को मतगणना सुरुबाटै गर्न निर्देशन दिएअनुसार गरिएको सहायक निर्वाचन अधिकृत इन्द्र सापकोटाले बताए। उनले मतगणना निरन्तर अघि बढेको बताए।
तिलोत्तमामा ९९४२ मत गणना गरेर सकिँदा प्रमुख पदमा नेपाली कांग्रेसका रामकृष्ण खाँणले ३ हजार ८२८ मत प्राप्त गरेर झिनो मतान्तरले अग्रता लिएका छन्। निकटतम प्रतिस्पर्धी नेकपा एमालेका मोहन चपाईंले ३ हजार ६२१ मत सहित पछ्याइरहेका छन्।
उपप्रमुख पदमा एमालेकी जागेश्वरीदेवी चौधरीले ३ हजार ४४८ मतसहित अग्रता लिएकी छन्। उपप्रमुखमा माओवादी केन्द्रका हेमन्त पाण्डेले १७२२ मत प्राप्त गरेका छन्।
भर्खरै
लोकप्रिय
