बारामा आगो ताप्ने क्रममा जलेर दुई महिला घाइते

वीरगञ्ज – बारामा आगो ताप्ने क्रममा जलेर दुई महिला घाइते भएका छन्।

सुवर्ण गाउँपालिका–५ पशुरामपुर बस्ने ७० वर्षीया रबुजन खातुन जलेर घाइते भएकी हुन्। घरमा घुर सल्काइ आगो ताप्ने क्रममा घुरबाट सल्केको आगोले जलेर खातुन घाइते भएकी हुन्। उनको शरीरको माथिल्लो भाग जलेको तथा कलैया अस्पतालमा उपचार भइरहेको बाराका प्रहरी प्रवक्ता एवं प्रहरी नायब उपरीक्षक राजेश थापाले जानकारी दिए।

यसैगरि, कलैया उपमहानगरपालिका–६ मदर्सा टोल बस्ने ३५ वर्षीया मञ्जुदेवी साहको घरमा आगो ताप्ने क्रममा घाइते भएकी छन्। साहको शरीरमा आगो सल्किँदा हात, खुट्टा जलेको तथा उनलाई उपचारको लागि वीरगञ्जको नारायणी अस्पतालमा पठाइको प्रहरी नायब उपरीक्षक थापाले बताए।