वीरगञ्ज – कारागारमा जेल जीवन विताइरहेको श्रीमानलाई छुटाइ दिने र एक रातमा चार हजार कमाइ हुने भन्दै महिलालाई वेश्यावृतीमा लगाएको आरोपमा वीरगञ्जबाट एक होटेल म्यानेजरसहित तीन जनालाई प्रहरीले पक्राउ गरेको छ।
प्रहरीले वीरगञ्ज- १५ मा रहेको होटेल रानीपोखरीका म्यानेजर वीरगञ्ज- ८ निवासी अनिलकुमार अरोडा, होटेलमै वेटरको काम गर्ने महोत्तरी गौशाला नगरपालिका- ११ बस्ने रमेशकुमार श्रेष्ठ र लम्जुङ राईनास नगरपालिका- ४ बस्ने डोलनाथ कट्टेललाई पक्राउ गरेको हो।
होटलमा मानव वेचविखन तथा ओसार पसार जन्य कार्य भैरहेको सूचनाको आधारमा गत आइतबार पर्सा प्रहरीले होटेलमा छापामारी गरेको थियो।
सो क्रममा पक्राउ परेका डाेलनाथ बारा घर बताउने २५ वर्षकी महिलासँग होटेलको १०८ नम्बर कोठामा आपतिजनक अवस्थामा भेटिएका थिए।
उनीहरूलाई नियन्त्रणमा लिएर महिला सित सोधपुछ गर्दा ती महिलाले होटेल म्यानेजर र वेटरले कारागारमा रहेका आफना श्रीमानलाई छुट्टाइ दिने र एक रातको चार हजार कमाइ हुने भनी प्रलोभन देखाइ चाहना बिपरित वेश्यावृती गर्न वाध्य बनाएको भनी ती महिलाले बताएको पर्साका प्रहरी प्रबक्ता एवं प्रहरी नायब उपरीक्षक दिपक गिरिले जानकारी दिए।
पक्राउ परेका तीनै जनालाई उक्त कार्य मानव बेचविखन तथा ओसार पसार सम्बन्धिको कसूरमा अदालतबाट पाँच दिनको म्याद थप गराइ अनुसन्धान भइरहेको गिरिले बताए।
भर्खरै
लोकप्रिय
