प्रहरी अनुसन्धानमा रहेको मानिस छुटाइदिने भनी ठगी गर्ने पक्राउ

वीरगञ्ज – प्रहरी अनुसन्धानमा रहेको ब्यक्तिलाई छुटाइदिन्छु भनी प्रलोभन देखाई रकम ठगी गर्ने एक जनालाई प्रहरीले वीरगञ्जबाट पक्राउ गरेको छ।

पक्राउ पर्नेमा वीरगञ्ज महानगरपालिका–५ बस्ने ५२ बर्षिय धीरेन्द्रबहादुर श्रेष्ठ छन्। उनलाई यातायात कार्यालय पर्साअगाडि सडकखण्डबाट प्रहरी टोलीले पक्राउ गरेको हो।

पक्राउ परेका श्रेष्ठले ्रहरीले अनुसन्धानमा राखेको मानिसलाई छुटाइदिन्छु भनी रकम असुल गर्ने गरेको भन्ने सूचनाको आधारमा पक्राउ गरिएको पर्साका प्रहरी प्रबक्ता एवम् प्रहरी नायब उपरीक्षक निर्मल बुढाथोकीले जानकारी दिए।

पक्राउ परेका उनलाई सार्वजनिक हित, स्वास्थ्य, सुरक्षा, सुविधा र नैतिकता बिरुद्दको कसूरमा थप अनुसन्धान कार्य भईरहेको बुढाथोकीले बताए ।