मितिनी नेपालका प्रबन्ध निर्देशक सरिता केसीका अनुसार यौनिक तथा लैंगिक अल्पसंख्यक समुदायभित्र पुस्तान्तरणलाई ख्याल गर्दै किशोरावश्थादेशि पाको उमेर समूहसम्मका सबै विषयलाई प्राथमिकतामा राखेर काम गरिरहेको छ यस संस्थाले।
नारी दिवसको सन्दर्भमा पहिचान र विभेदका पाटाहरुबारे केसीको अनुभव र विश्लेषण सुन्न देशसञ्चारले उनीसँग भिडियो अन्तर्वार्ता गरेको छ।
उनी भन्छिन्- ‘पछिल्लो समय हामी नारी दिवस मनाउँदै आइरहेका छौं। हाम्रो अस्तित्व छ है भन्ने आवाज सरोकारवाला पक्षहरुदेखि राज्य संयन्त्रसम्म पुर्याउन पनि हाम्रो उपस्थिति देखिन जरुरी छ भन्ने हिसाबले हामी यसरी अगाडि बढेका हौं।’
केसीका अनुसार लैैंगिक समानताको बहसले महिला र पुरुषका कुरा गरे पनि मूलधारमा आइसकेका महिला अनि यौनिक तथा लैंगिक तथा यौनिक अल्पसंख्यक समुदाय र सीमान्तीकृत समूदायका महिलाहरुको विषयबस्तुमा गहिरो अन्तर रहेको तथ्य अहिलेसम्म आउन सकेको छैन। उदाहरण दिँदै उनी भन्छिन्, ‘महिलाका विषयबस्तु उठाउँदा अझै पनि हामी दाइजो प्रथा र छाउपडीकै कुरा गर्छौँ जसले हाम्रो समुदायका महिलाको भोगाइ र सवाललाई समेट्दैन।’
उनी थप्छिन्- ‘राज्यले संविधान मार्फत यौनिक तथा लैंगिक अल्पसंख्यक समुदायको अस्तित्व रहेको बुझे पनि कानुन निर्माण र कार्यान्वयनबाट हाम्रा सवालहरुमाथिको सम्बोधनको सुनिश्चितता गर्न भने सकेन।’
नारी दिवसको सन्दर्भमा पहिचान र विभेदका पाटाहरुबारे मितिनी नेपालका प्रबन्ध निर्देशक सरिता केसीका अनुभव र विश्लेषण।
भर्खरै
लोकप्रिय
