आदिवासी राजवंशी समुदायले मनाए दधिकादो पर्व (तस्बिरहरू)

झापा – पूर्वी तराईका आदिवासी समुदायमध्ये राजवंशी समुदायले खेल्ने दधिकादो खेल बिहीबार झापालगायत पूर्वी तराईका अन्य जिल्लाका विभिन्न टोलमा आयोजना भएको छ।

भगवान श्रीकृष्णको जन्म भएको खुशियालीमा खेलिने यस खेलमा माटो र मानिसबीचको सम्बन्धलाई पनि झल्काउने जानकार बताउँछन्। लिसाइलो माटोमा दही र पानी मिसाएर हिलो बनाएर यो खेल खेलिने गरिएको छ।

दधिकादो खेल दुई समूहबीच खेलिने गरिन्छ। यो खेलको केन्द्र एउटा नरिवलको दानमा केन्द्रित रहन्छ। एउटा समूहले उक्त नरिवललाई मन्दिर चढाउन कसरत गर्छ भने अर्को समूह रोक्ने प्रयास गर्छ। जुन समूहले मन्दिरमा नरिवल चढाउन सफल हुन्छ, त्यो समूह विजयी बन्छ।

झापाका विभिन्न स्थानमा खेलिएको दधिकादो खेलका तस्बिरहरूः