गमगढी- मुगु जिल्लाको खतेड गाउँपालिकाका एकल महिला र दलित परिवारलाई सोलार प्यानल वितरण गरिएको छ।
ब्याक टु फाइफ जर्मनको आर्थिक तथा मानव अधिकार तथा वातावरण विकास केन्द्र नामक एक गैरसरकारी संस्थाको सहजीकरणमा नि:शुल्क सोलार प्यानल वितरण गरिएको हो।
विद्युतकाे कुनै पनि प्रसारण लाइन नछोएको पश्चिम खतेड गाउँपालिकाभरिका ३ सय ५३ जना दलित र ७० जना एकल महिला गरी जम्मा ४ सय २३ घरलाई साेलार प्यानल सेट वितरण गरिएको हो।
रु २५ हजार मूल्य पर्ने ५० वाट क्षमताका सोलर प्यानल सेट पाएपछि दलित तथा एकल महिलाहरू खुसी भएका छन्।
संस्थाले हाम्रो दुःख बुझेर नि:शुल्क सोलार उपलब्ध गराउँदा सारै खुसी लागेको खत्याड गाउँपालिका- ९ का जयधर्म लावडले बताए।
साेलार प्यानलबाट पाँचवटा बत्ती बाल्न सकिने र मोबाइल चार्जसमेत गर्न सकिने बताइएको छ।
मुगुको दुर्गम खतेड गाउँपालिकामा बेलुका उज्यालोको लागि वर्षौंदेखि दियालो बाल्दै आएका खतेडका एकल महिला र दलित समुदायको लागि सोलार प्यानल प्राप्तिले ठूलो राहत मिलेको छ।
सोलार प्यानल सेट वितरणका लागि करिब एक करोडभन्दा बढी रकम लागत रहेको मानव अधिकार तथा वातावरण विकास केन्द्र, मुगुका प्रबन्धक नवराज रातले जानकारी दिए।
भर्खरै
लोकप्रिय
