कोशीमा पहिचानवादीको एमालेलक्षित आन्दोलनः पिकअप भ्यानमा आगजनी, सडक अवरुद्ध

झापा –झापा र इलामको सीमामा पर्ने किटेनीमा एउटा पिकअप भ्यानमा आगजनी भएको छ। पराल बोकेको पिकअप भ्यानमा आगजनी गरिएको रोङ गाउँपालिकाका अध्यक्ष मणिकुमार स्याङ्बोले जानकारी दिए।

मे. १ ज ११४० नम्बरको पिकअप भ्यानमा पहिचानवादीहरूको समूहले आगजनी गरेको अनुमान गरिएको छ। पाँचथरको फिदिममा आज भएको नेकपा एमालेको कार्यक्रमलाई लक्षित गरी उनीहरूले आज र भोलि कोशी प्रदेशमा बन्द आह्वान गरेका थिए।

तर, प्रहरीले स्कर्टिङ गरेर यातायात सञ्चालन गरिरहेको थियो। भ्यानमा आगजनी भएपछि सयौं सवारी साधन सडकमा लामबद्ध छन् । धेरै सवारी साधन एमालेको कार्यक्रमबाट फर्किँदै गरेका छन्।