काठमाडौँ- अमेरिका पठाइदिन्छु भनेर झण्डै २४ लाख रुपैँया ठगी गर्ने एक व्यक्तिलाई प्रहरीले पक्राउ गरेको छ।
काठमाडौँको बुढानिलकण्ठ नगरपालिका ६ बस्ने बेन्जु महतले अमर बहादुर पुनलाई वैदेशिक रोजगारीको लागि अमेरिका पठाइदिन्छु भनी २३ लाख ५० हजार रुपैँया ठगी गरेको आरोपमा मंगलबार प्रहरीले पक्राउ गरेको हो।
महतले अमरलाई अमेरिका जान ५० लाख रुपैयाँ लाग्छ, पुगेपछि प्रतिष्ठित कम्पनीमा काम लगाइदिन्छु भनी ४ लाख तलब भनेर विश्वास दिलाई प्रलोभनमा पारेको प्रहरीको भनाइ छ।
उनले पटक–पटक गरी २३ लाख ५० हजार रुपैँया लिई सम्पर्कविहीन भएकोले पक्राउ गरिएको काठमाडौँ उपत्यका अपराध अनुसन्धान कार्यालयका प्रहरी उपरीक्षक एवं प्रवक्ता रवीन्द्र रेग्मीले जानकारी दिए।
बेन्जुलाई काठमाडौँको बुढानिलकण्ठ ६ भंगाल चपलीबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल पठाइएको उपरीक्षक रेग्मीले बताए।
भर्खरै
लोकप्रिय
