काठमाडाैँ- विभिन्न ब्राण्डका बियर उत्पादन गर्दै आइरहेको यति ब्रुअरी लिमिटेडको सेयर निष्काशन तथा बिक्री एनआइएमबि एस क्यापिटलले गर्ने भएको छ।
बुधबार यति ब्रुअरी लिमिटेडले बुक बिल्डिङ्ग विधि मार्फत साधारण शेयर निष्काशन गर्नको लागि एनआइएमबि एस क्यापिटल धितोपत्र निष्काशन तथा बिक्री प्रबन्धकमा नियुक्त गरेको हो।
उक्त शेयर निष्काशन सम्बन्धी सम्झौतापत्रमा यति ब्रुअरी लिमिटेडका तर्फबाट प्रबन्ध सञ्चालक संजीव सर्राफ र एनआइएमबि एस क्यापिटल लिमिटेडका तर्फबाट महाप्रबन्धक सचिन्द्र ढुङ्गानाले हस्ताक्षर गरेका थिए।
उक्त सम्झौता अन्तर्गत एनआइएमबि एस क्यापिटल लिमिटेडद्वारा बुक बिल्डिङ्ग विधि मार्फत यति ब्रुअरी लिमिटेडको साधारण शेयरहरु सार्वजनिक निष्काशन तथा व्यवस्थापन सम्बन्धी सम्पूर्ण कार्यहरुमा धितोपत्र निष्काशन तथा बिक्री प्रबन्धकको काम गर्ने छ।
यति ब्रुअरी लिमिटेडले हाल अर्ना,यति, वाईबी, शिखर लगायत किंगफिसर जस्ता चर्चित ब्राण्डका बियर बोतल तथा क्यानमा उत्पादन गरी बिक्री वितरण गर्दै आएको छ ।
भर्खरै
लोकप्रिय
