काठमाडौं- भोटेबहालको दीप माध्यामिक विद्यालय (मृगशिरा वर्ल्ड स्कुल)का छात्रहरूले ‘जहाजमा सरररर…’ सडक नाटक प्रस्तुत गरेका छन्। उनीहरुले शनिबार भाेटेबहालमै उक्त नाटक मञ्चन गरेका हुन्।
नाटकले विदेश नगएर स्वदेशमै केहि गर्नुपर्ने सन्देश बोकेको निर्देशक पुष्पराज अवस्थीले बताए।
उनले भने, ‘हामी देखासिकी गरेर विदेश जान्छौ, वास्तविकता नबुझेरै विदेश जान्छौ जसकारण दु:ख पाउँछौ। ठूलो रकम लगानी गरेर विदेश गएर दु:ख गर्नुभन्दा र झनै ऋण लगाउनु भन्दा त्यही पैसाले यहाँ साजै भएपनि व्यवसाय गर्नु पर्छ भन्ने सन्देश नाटकले दिएको छ।’
साथै नाटकले हामीलाई आफ्नो देश, परिवार र मित्रहरूसँग जोडिएर बस्ने बिषयवस्तुलाई जोडेको उनले जानकारी दिए।
नाटकमा कृष्ण यादव, स्नेहा यादव, बिजेन लामा, रितिका खड्का, रिथम कार्की, विप्लव अधिकारीको मुख्य भुमिका छ। साथै सुप्रिम केसी, साइमन थापा, परी शर्मा, निधिकुमारी साह, रोशनी पाण्डे, रितिका खड्का, अम्जो देउला, विकेश श्रेष्ठ, राहुल कुमार साह, श्रृष्टी श्रेष्ठ, मिले महर्जन र साकिरा कठाएत लगायतको अभिनय गरेका छन्।
नाटक काठमाडौंको लगनचोक, बसन्तपुर डबली, संकटादेवी मन्दीर गरि तीन ठाउँमा देखाइएको थियो।
नाटकको निर्देशन पुष्पराज अवस्थीले गरेका हुन् भने सह निर्देशनमा सृष्टी शाह छिन्।
भर्खरै
लोकप्रिय
