काठमाडौँ– उपत्यकाव्यापी माध्यमिक विद्यालय स्तरीय कविता लेखन तथा वाचन प्रतियोगितामा वेद विद्याश्रम माविका सदासय गौतम प्रथम भएका छन्।
बालकृष्ण शिवाकोटी मेमोरियल फाउन्डेसनले काठमाडौँ उपत्यकाव्यापी माध्यमिक विद्यालय स्तरीय कविता लेखन तथा वाचन प्रतियोगिताका गरेको थियो।
यसैगरी सरस्वती माविकी अदिती तिमिल्सिना द्वितीय र इष्टपोल स्कुलकी प्रियमशा कार्की तृतीय भए। त्यसैगरी सात्वना पुरस्कार भने आर्याभा निरौला, महादेव पाण्डेय र दृष्टि सत्यालले प्राप्त गरेका छन्।
प्रतियोगितामा प्रथम हुनेलाई २० हजार, द्वितीय हुनेलाई १५ हजार र तृतीय हुनेलाई १० हजार रुपैयाँ प्रदान गरिएको छ। यस्तै, सान्त्वना हुने प्रतियोगीहरुलाई प्रमाणपत्रसहित एक हजार रुपैयाँ प्रदान गरिएको छ।
कवि प्रह्लाद पोख्रेलको प्रमुख आतिथ्यता तथा फाउन्डेसनका अध्यक्ष शान्ता शिवाकोटीको अध्यक्षतामा सम्पन्न प्रतियोगितामा उपत्यकाभित्रका ४४ जना विद्यार्थी सहभागी थिए।
भर्खरै
लोकप्रिय
