कतार पठाईदिन्छु भनी रकम ठगी गर्ने व्यक्ति पक्राउ

काठमाडौँ– प्रहरीले कतार पठाईदिन्छु भन्दै झण्डै २ लाख रुपैैँया ठगी गर्ने एक जनालाई पक्राउ गरेको छ।

सप्तरीको बोदेबर्साईन नगरपालिका ६ घर भई हाल काठमाण्डौँको बवरमहल बस्ने सन्तोष कुमार चौधरीलाई प्रहरीले बवरमहलबाट पक्राउ गरेको हो।

उनले राजलाल मुखियालाई वैदेशिक रोजगारीको लागि कतार पठाईदिन्छु भन्दै राजलालसँग पटकपटक गरि एक लाख नब्बे हजार रुपैयाँ रकम लिई फरार भएका थिए।

राजलाललाई कतार पुगेपछि प्रतिष्ठित कम्पनीमा काम लगाइदिने र मासिक साठी हजार रुपैयाँ तलव हुन्छ भनी उनले प्रलोभनमा पारेका थिए।

उनलाई सोमबार फक्राउ गरि थप अनुसन्धान तथा कारवाहीको लागि वैदेशिक रोजगार विभाग ताहाचल पठाईएको
काठमाण्डौं उपत्यका अपराध अनुसन्धान कार्यालयका प्रवक्ता तथा प्रहरी उपरीक्षक रविन्द्र रेग्मीले जानकारी दिएका छन।