काठमाडौँ– जनमत पार्टीका अध्यक्ष डा. चन्द्रकान्त राउतले प्रत्यक्ष कार्यकारी प्रधानमन्त्रीमा जानुपर्ने बताएका छन।
बुधबारको प्रतिनिधि सभाको बैठकमा बोल्दै उनले विश्वासको मत प्रत्यक्ष रुपमा जनताको हातमा सुम्पिन आवश्यक रहेको बताएका हुन।
उनले जनताले हामीलाई दिएको विश्वासको मतलाई हामीले बचाउन नसकेको बताउँदै अहिलेको संसदको गन्थनमन्थनबाट जनताले केही पाउन नसकेको बताए।
उनले भने , ‘जनताले हामीलाई दिएको विश्वासको मतलाई हामीले बचाउन सकेनौँ। कहिले यता, कहिले उता हाल्नुपरेको छ। विश्वासको मत प्रत्यक्ष रुपमा जनताको हातमा सुम्पौँ। र जनताले नै प्रत्यक्ष रुपमा निर्वाचित प्रधानमन्त्री ल्याउने व्यवस्था गरौँ।’
अध्यक्ष राउतले राष्ट्रिय स्वतन्त्र पार्टीप्रति लक्षित गर्दै मधेसीहरुलाई राज्यले हत्या गर्दा नबोलेकोप्रति आपत्ति जनाए।
उनले जनता समाजवादी पार्टी, नेपालप्रति लक्षित गर्दै गौर नरसंहरामा विभत्स हत्या गर्ने व्यक्तिहरुसँगै अहिले गठबन्धनमा बसेको रास्वपाले उनीहरुलाई कारबाही गर्ने ल्याकत रास्वपाले राख्नुपर्ने बताए।
भर्खरै
लोकप्रिय
