बच्चा चोरीको आरोप लागेकी सिंहलाई एक लाख पचास हजार धरौटीमा रिहा गर्न आदेश

काठमाडौँ– काठमाडौँको थापाथलीस्थित प्रसूति तथा स्त्रिरोग अस्पतालबाट बच्चा चोरीको आरोपमा पक्राउ परेकी मनकुमारी सिंहलाई जिल्ला अदालत काठमाडौंले धरौटीमा छोड्न आदेश दिएको छ।

दैलेखको नौमुले घर भएकी सिंहलाई जिल्ला अदालत काठमाडौँका न्यायाधीश माधवप्रसाद अधिकारीको इजालसले १ लाख ५० हजार धरौटीमा छोड्न आदेश दिएको हो।

गत फागुन ११ गते प्रसुति गृहबाट २६ दिने बालिका चोरी गरेको आरोपमा पक्राउ परेकी सिंहलाई जिल्ला सरकारी वकिल कार्यालय काठमाडौंले अपहरण तथा शरीर बन्धक कसुरको अभियोगपत्र दायर गरेको थियो।

सिंहले काभ्रेको चौरीदेउराली गाउँपालिका३ घर भएर कपन बस्ने सबिना श्रेष्ठको २६ दिने बच्च चोरेकी थिइन् ।