काठमाडौँ– सामसुङले ग्यालेक्सी ए ५५ ५जी र ग्यालेक्सी ए ३५ ५जी सार्वजनिक गरेको छ। दुवै उपकरणहरूमा सामसुङ नल्ट भल्ट जस्ता सुरक्षा सुविधाहरू रहेका छन।
ग्यालेक्सीको फ्ल्यागशिप क्यामराको इनोभेशनबाट प्रेरित नयाँ फोटोग्राफी क्षमता पनि रहेका छन् भने भिजन बूस्टरको साथ प्रयोगकर्ताहरूको परिवेश अनुरुप समायोजन हुने शानदार डिसप्ले रहेको छ।
परिष्कृत नाइटोग्राफीको साथ ए ५५ ५जी जी ले कम प्रकाश भएको अवस्थाहरूमा पनि स्पष्ट फोटो खिच्ने कम्पनीले जनाएको छ। ए ५५ ५जी को आधुनिक एआइ इमेज सींगल प्रोसेसींग ले ग्यालेक्सी ए सेरीजमा नभएका कम–प्रकाशमा उत्कृष्ट फोटो खिच्ने क्षमता रहेको छ।
नाइट पोट्र्रेट मोड र १२ बिट एचडीआर भिडियोले हरेक फोटोमा मानिसहरूलाई उत्कृष्ट देखिने कम्पनीले जनाएको छ। कम्पनीका अनुसार ग्यालेक्सी ए ५५ ५जी र ग्यालेक्सी ए ३५ ५जी दुवैमा अविश्वसनीय फोटोग्राफी क्षमताहरू रहेको छ।
दुवैमा ६.५–इन्च स्क्रिन रहेको छ भने ग्यालेक्सी ए ५५ ५जीको भिजन बूस्टरले गर्दा प्रकाशको विभिन्न अवस्थामा पनि दृश्य तथा फोटो सफा र उज्यालो देखिने कम्पनीले जनाएको छ।
ग्यालेक्सी ए ५५ ५जी र ग्यालेक्सी ए ३५ ५जी ले पहिलो पटक ल्याएको सामसुङ नल्ट भल्ट जस्ता सुविधाले हार्डवेयर–आधारित र टेम्पर–प्रतिरोधी सुरक्षा समाधान, सिस्टमको मुख्य प्रोसेसर र मेमोरीबाट अलग गरिएको सुरक्षित कार्यान्वयन वातावरण निर्माण गरेर हार्डवेयर र सफ्टवेयर आक्रमणहरू विरुद्ध सुरक्षा प्रदान गर्दछ।
यसले पिन कोडहरू, पासवर्डहरू र प्याटर्नहरू जस्ता लक स्क्रिन प्रमाणहरू सहित उपकरणमा सबैभन्दा महत्त्वपूर्ण डेटा सुरक्षित गर्न मद्दत गर्न सक्छ।
सामसुङ नल्ट भल्टले उपकरण हराए वा चोरी भए पनि, सही लक स्क्रिन प्रमाणहरू भएका प्रयोगकर्ताले मात्र तिनीहरूको डेटा पहुँच गर्न सक्छन्।
सुरक्षित रहने अझ धेरै तरिकाहरूका लागि ग्यालेक्सी य सेरिजले अटो ब्लकर, अतिरिक्त सुरक्षा उपायहरूको अप्ट–इन प्याकेज प्रदान गर्दछ। जब स्विच अन गरिन्छ, अटो ब्लकरले अनाधिकृत स्रोतहरूबाट एप स्थापनाहरू ब्लक गर्न सक्छ।
ग्यालेक्सी ए ५५ ५जी र ग्यालेक्सी ए ३५ ५जी का प्रयोगकर्ताहरूले फोर जेनेरेशनसम्मको एन्ड्रोइड ओएस र एउटा युआइ अपग्रेडहरू, पाँच वर्षको सुरक्षा अपडेटहरू प्राप्त गर्न सक्छन्।
८–१२८ जीबीको ग्यालेक्सी ए ३५ ५जीकाु मूल्य ४६ हजार ९९९ र ८–२५६ जीबीको मूल्य ५१ हजार ९९९ रहेको छ।
ग्यालेक्सी ए ५५ ५जीको ८–२५६को मूल्य ६२ हजार ९९९ र १२–२५६ जीबीको मूल्य ६७ हजार ९९९ निर्धारण गरिएको छ।
यी फोन कीन्दा २५ वाटको सामसङ चार्जर पनि निःशुल्क पाइनेछ।
ग्यालेक्सी ए ५५ ५जी र ग्यालेक्सी ए ३५ ५जी इन्स्टा फाइनान्समा सरल किस्तामा शुन्य प्रतिशत ब्याजमा पनि खरिद गर्न सकिनेछ।
जसको लागि ग्राहकले आफ्नो नागरिकता मात्रले पुग्नेछ।
यस सेवा मार्फत ग्राहकले आफ्नो पुरानो सामसङको ए, एम एस, एन वा जेड सिरिज र कुनै पनि सि ब्रान्ड स्मार्टफोनको मूल्याङ्कनमा थप रु २,५०० बोनस पाउनेछन् भने सामसङ ग्यालेक्सी जे सिरिजका स्मार्टफोन एस्चेन्ज गर्दा रु १,५०० बोनस पाउनेछन्। यी सुविधाहरू नेपाल भरि नै उपलब्ध छ।
भर्खरै
लोकप्रिय
