झापा- राष्ट्रिय प्रजातन्त्र पार्टीका अध्यक्ष राजेन्द्र लिङ्देनले गणतन्त्र ढाल्न अब एक धक्का मात्र चाहिने बताएका छन् ।
झापाको बिर्तामोडमा शनिवार आयोजित पार्टीको सभालाई सम्बोधन गर्दै राप्रपा अध्यक्ष लिङ्देनले संघीयता, गणतन्त्र र धर्मनिरपेक्षता अब धर्मरको स्थितिमा रहेको बताए ।
उनले भने, ‘यो गणतन्त्र, संघीयता र धर्मनिरपेक्षता कांग्रेस, एमाले र माओवादीको हो । यी व्यवस्था ढाल्न अब एक धक्का काफी छ ।’
ठूला ‘भनाउँदा’ पार्टीहरूले देश विकासमा कहिले ध्यान नदिएको उनको भनाइ थियो । देश विकासका लागि राप्रपाको नेतृत्व अनिवार्य भइसकेको लिङ्देनको दाबी थियो ।
मिटरव्याज, सहकारी ठगीलगायत बित्तीय समस्यामा परेका नागरिकहरूको समस्या समाधानका लागि छुट्टै उच्चस्तरीय आयोग गठन गर्नुपर्नेमा लिङ्देनको जोड थियो ।
सभालाई राप्रपाका उपाध्यक्षद्वय बुद्धिमान तामाङ, रबिन्द्र मिश्र, प्रवक्ता ज्ञानेन्द्र शाहीलगायत नेताहरूले गणतन्त्र नेपालका लागि ‘घाँडो’ भएको बताएका थिए ।
राप्रपाका नेताहरूले चैत २७ गतेदेखि काठमाण्डौ केन्द्रित आन्दोलनमा सहभागी हुन सबैलाई अपिल गरेका छन् ।
भर्खरै
लोकप्रिय
