अ
+
अ
अ
-
पोखरा – कास्कीको भदौरेमा जिप दुर्घटना हुँदा १२ जना घाइते भएका छन्। पोखराबाट भदौरेतर्फ जाँदै गरेको ग १ ज ५५४७ नम्बरको जिप दिउँसो साढे ३ बजे अन्नपूर्ण गाउँपालिका–४ सल्लाघारीमा दुर्घटना भएको हो।
दुर्घटनास्थलबाट १२ जना घाइतेको उद्धार गरेको जिल्ला प्रहरी कार्यालय कास्कीका प्रहरी निरीक्षक सूर्यबहादुर रानाले जानकारी दिए। उनका अनुसार ९ जनालाई अस्पताल पुर्याइएको छ।
५ जनाको पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) र ४ जनाको मणिपाल शिक्षण अस्पतालमा उपचार भइरहेको छ। ‘३ जनाको उद्धार गरेर बाटोमा ल्याइँदै छ।
घटनास्थलमा उद्धार जारी छ’, निरीक्षक रानाले भने । दुर्घटनास्थल भीरमा भएकाले कति यात्रु सवार थिए यकिन नभएकाले खोजी जारी रहेको उनको भनाइ छ।
भर्खरै
लोकप्रिय
