काठमाडौँ– सानिमा बैंकका ग्राहकले दराजबाट सामान खरिद गर्दा ५०० देखि १ हजार सम्म छुट पाउने भएका छन्।
सानिमा बैंक र दराज बिच नव वर्ष उत्सव २०८१ योजनाअन्तर्गत आफ्ना ग्राहकलाई विशेष छुट दिने सम्झौतामा हस्ताक्षर भएसँगै बैकंका ग्राहकले ५०० देखि १ हजारसम्म छुट पाउने भएका हुन्।
उक्त योजना अवधिभर ग्राहकले दराजबाट सामान खरिद गरी सानिमा बैंकको डेबिट तथा क्रेडिट कार्डबाट भुक्तानी गर्दा १०% वा अधिकतम रु ५०० र क्रेडिट कार्डबाट भुक्तानी गर्दा १५ % वा अधिकता रु ७५० सम्मको छुट प्राप्त गर्न सक्नेछन्।
योजना अवधिभर सहभागी हुने ग्राहकहरुलाई पहिलोलाई प्राथमिकताको आधारमा छुट प्रदान गरिनेछ। छुटका लागि ग्राहकले दराजको अनलाइन प्लेटफर्मबाट बैंक भौचर सङ्कलन गर्नुपर्ने बैंकले जनाएको छ।
यसैगरी क्रेडिट कार्ड प्रयोगकर्ताहरुले मासिक किस्ताबन्दी इएमआइ सुविधा पनि प्राप्त गर्न सक्ने बैंकको भनाइ छ। बैंकका अनुसार यो योजना २०८०, चैत्र २२ देखि २०८१, बैशाख ६ गतेसम्म लागू हुनेछ
भर्खरै
लोकप्रिय
