रारा पर्यटकीय पदमार्गको काम अलपत्र

गमगढी – रारा घुम्न आउने आन्तरिक तथा बाह्य पर्यटकको सहजताका लागि निर्माणाधीन रारा पर्यटकीय पदमार्गको काम अलपत्र परेको छ।
सम्बन्धित निर्माण कम्पनीको लापरबाहीका कारण साइकिलिङ पदमार्गको काम अलपत्र परेको हो।

पर्यटन विकासको दृष्टिकोणले प्रवल सम्भावना रहेको रारामा सञ्चालित गौरवको आयोजनाको रुपमा रहेको रारा पर्यटन पदमार्ग पछिल्लो समयमा ठेकेदारको लापरबाहीका कारण ६ महिनादेखि अलपत्र परेको छ।

राराको पर्यटन प्रवर्द्धनका लागि आर्थिक वर्ष ०७८/०७९ मा कर्णाली प्रदेश सरकार उद्योग, पर्यटन, वन तथा वातावरण मन्त्रालयअन्तर्गत रारा पर्यटन पूर्वाधार विकास कार्यक्रमका डिभिजन वन कार्यालय मुगुले रारा पर्यटकीय पदमार्ग निर्माणका लागि ४५ करोड २९ लाख १० हजार ४ सय ७९ रूपैयाँ ६५ पैसा लागतमा पदमार्ग निर्माणका लागि ठेक्का दिएको थियो।