काठमाडौँ – कांग्रेस सांसद नारायणदत्त भट्टले उपचारका नाममा व्यापार गरिरहेका निजी अस्पताललाई कारबाहीको दायरामा ल्याउन सरकारसँग माग गरेका छन्।
राष्ट्रिय सभामा शुक्रवार पेस गरिएको ‘निःशुल्क स्वास्थ्योपचारको सुनिश्चितासम्बन्धी’ संकल्प प्रस्तावमाथिको छलफलमा भाग लिँदै उनले स्वास्थ्यजस्तो संवेदनशील विषयमा पनि गम्भीर नभई उपचारको नाममा व्यापार गरिरहेको निजी अस्पताललाई नियन्त्रणमा ल्याउने दायित्व सरकारको भएको बताए।
उनले नागरिकको बाँच्न पाउने अधिकारलाई सुरक्षित गर्छ भन्ने तर त्यसअनुसारको काम नगरेको भन्दै सरकारको आलोचना पनि गरे। सांसद भट्टले सुदूरपश्चिम प्रदेशमा एउटा मात्रै प्रादेशिक अस्पतालले भन्न नसक्ने भन्दै तत्काल दशरथ चन्द मेडिकल कलेज सञ्चालनमा ल्याउन पनि सरकारलाई दबाब दिए।
सांसद भट्टले अकालमा नागरिकको ज्यान जाने अवस्था आउन नदिन स्वास्थ्य बिमा कार्यक्रमलाई प्रभावकारी बनाउन पनि सरकारलाई सचेत गराए।
भर्खरै
लोकप्रिय
