काठमाडौं- एसिसी प्रिमियर कपअन्तर्गत समूह चरणको तेस्रो खेलमा नेपालले हङकङ विरुद्ध कसिलो बलिङ गरेको छ। वर्षाका कारण १८ ओभरमा घटाइएको खेलमा नेपाल विरुद्ध पहिले ब्याटिङ गरेको हङकङले ८९ रन जोड्दा ७ विकेट गुमाएको छ।
नेपालले हङकङविरुद्ध उत्कृष्ट फिल्डिङ गर्दै दुइ ब्याटरलाई सानदार रनआउट गरेको थियो। हङकङका लागि अन्सु रथले ३४ रन बनाउनु सर्वाधिक रहँदा कप्तान निजाकत खानले १२ रन बनाए।
उनीहरूबाहेक मार्टिन कोट्जेले ८ रन बनाउँदा बाबर हायात ६ तथा अजिज खान ७ रनमा आउट भए। त्यस्तै, यशिम मुर्तजाले २ रन बनाउँदा नसरुल्लाह रानाले ६ रन बनाएर आउट भए। हङकङको राम्रो लयमा रहेका अन्सु रथ र निजाकथ खान डाइरेक्ट हिटको सिकार हुँदै रनआउट भएका थिए।
नेपालका लागि ललित राजवंशी र अभिनास बोहराले २-२ विकेट लिंदा करण केसीले एक विकेट हात पारे।
निर्धारित समयभन्दा १ घन्टा ढिला सुरु हुन लागेको खेलमा नेपालले आज टोलीमा एक परिवर्तन गरेको छ। विवेक यादवको स्थानमा करण केसीलाई टिममा समेटेको छ। नेपालले आजको खेल जिते सेमिफाइनलमा स्थान पक्का गर्ने छ।
भर्खरै
लोकप्रिय
