काठमाडौं- एसिसी प्रिमियर कप क्रिकेटअन्तर्गत समूह चरणको तेस्रो खेलमा हङकङले नेपाललाई १ सय १५ रनको लक्ष्य प्रस्तुत गरेको छ। वर्षाका कारण १८ ओभरमा घटाइएको खेलमा टस हारेर पहिले ब्याटिङ गरेको हङकङ १७.५ ओभरमा अलआउट हुँदै १ सय १४ रनमा समेटियो।
नेपालको कसिलो फिल्डिङसामु हङकङका कुनै पनि खेलाडी खुलेर खेल्न सकेनन्। नेपालले हङकङविरुद्ध उत्कृष्ट फिल्डिङ गर्दै दुइ ब्याटरलाई सानदार रनआउट गरेको थियो।
हङकङका लागि अन्सु रथले ३४ रन बनाउनु सर्वाधिक रहँदा कप्तान निजाकत खानले १२ रन बनाए। उनीहरूबाहेक मार्टिन कोट्जेले ८ रन बनाउँदा बाबर हायात ६ तथा अजिज खान ७ रनमा आउट भए।
त्यस्तै, यशिम मुर्तजाले २ रन बनाउँदा नसरुल्लाह रानाले ६ रन बनाएर आउट भए। हङकङको राम्रो लयमा रहेका अन्सु रथ र निजाकथ खान डाइरेक्ट हिटको सिकार हुँदै रनआउट भएका थिए।
नेपालका लागि अभिनास बोहराले ३ विकेट लिँदा ललित राजवंशी र दीपेन्द्रसिंह ऐरीले २-२ विकेट लिए। करण केसीको नाममा एक विकेट रह्यो।
भर्खरै
लोकप्रिय
