मिडियाकर्मी मनोज बस्नेतलाई युनेस्को युथ पिस एम्बेसडर अवार्ड प्रदान गरिएको छ ।
अमेरिकाको लसएन्जल्समा आयोजित अठारौँ युथ पिस एम्बेसडर ट्रेनिङ वर्कसपको समारोहमा बस्नेतलाई गैरनाफामुखी संस्थाको रूपमा इन्टरनेशनल रूपमा काम गरिरहेको ‘युथ्स युनेस्को क्लब, अमेरिका, अमेरिकन युनिभर्सिटी अफ सोभरेन नेसन्स्, अमेरिका, इयुबियोस् इथिक्स इन्स्टिच्यूट (न्यूजिल्यान्ड र जापान), फिलिपिन्स एसोसिएसन अफ एसोसिएसन अफ एक्स्टेन्सन’लगायत संस्थाले संयुक्त रुपमा २०२४-२०२५ का लागि युनेस्को युथ पिस एम्बेसडर अवार्ड प्रदान गरिएको हो ।
‘मिडियामा रही बस्नेतले युवा र शान्तिका लागि निभाएको भूमिकाको उच्च मूल्यांकन गर्दै अन्तराष्ट्रियस्तरमा यो अवार्ड दिएका हौं,´ अमेरिकी यूनिभर्सिटी सोभरेन नेशन युएसएका प्रेसिडेन्ट प्रो.डा. ड्यालरले भने, ‘आगामी दिनमा उनले अझै युवा र शान्तिका लागि योगदान गर्नेछन्।’
सन् २०११ बाट बिभिन्न क्षेत्रमा रही युवा र शान्तिका लागि योगदान पुर्याउने व्यक्तिहरूलाई हरेक बर्ष यो अवार्ड दिने गरिएको छ। हाल सम्म ६५ देशका व्यक्तिहरुले यो उपाधि पाइसकेका छन्।
युथ युनेस्को क्लब युएसएका प्रेसिडेन्ट रिमेश खनालले भने, ‘संसारभरबाट बिभिन्न बिधामा रही युवा र शान्तिका लागि योगदान पुर्याउने सयौँबाट उहाँलाई यसका लागि योग्य ठहराई एम्बेसडर प्रदान गरेका हौं ।
‘मिडियामा युवा र शान्ति’ बिधाबाट उनलाई छनोट गरिएको उनले बताए । रिपोर्टर हुदै मिडिया म्यानेजर बनेका बस्नेत बिगत १७ बर्षदेखि विभिन्न मिडियामा आबद्व छन्। हाल उनी कान्तिपुर मिडिया ग्रुपको बिक्रीबितरण, प्रेस तथा रिजनल बिभागको प्रमुखको रूपमा कार्यरत छन्।
भर्खरै
लोकप्रिय
