इलाम २ उपनिर्वाचनः ३ बजेसम्म ५१ प्रतिशत मतदान

इलाम – इलाम २ मा भएको उपनिर्वाचन अन्तर्गत मतदानमा अपराह्न ३ बजेसम्म ५१ प्रतिशत मतदान भएको मुख्य निर्वाचन अधिकृतको कार्यालयले जनाएको छ।

१ लाख १५ हजार ८८९ मतदातामध्ये ६० हजार मतदाताले मतदान गरेको कार्यालयले जनाएको छ।

मतदान सम्पन्न भएपश्चात मतगणनाका लागि मतगणनास्थल तयारी अवस्थामा राखिएको छ।

इलाम ७ मा रहेको गौतमबुद्ध सम्मेलन केन्द्र (सिटी हल) मतगणनाका लागि तयारी अवस्थामा राखिएको छ। मतगणनासथलमा तारको जाली लगाएर मतगणना भइरहेको स्थानमा कोही पनि पस्न नपाउने गरी व्यवस्था गरिएको छ।

साँझ ५ बजे मतदान सम्पन्न भएपश्चात मतपेटिका सोझै सिटी हलमा ल्याइने मुख्य निर्वाचन अधिकृतको कार्यालयले जनाएको छ। मतपेटिका संलकन भइसकेपछि सर्वदलीय सहमतिपछि मतगणना गरिने कार्यालयले जनाएको छ।