काठमाडौँ– नेपालको इन्टरनेट कम्पनीका सेवामा अवरोध आएको छ।
भारतको एयरटेलले लामो समयदेखि भुक्तानी नपाएपछि इन्टरनेसनल ब्यान्डविथ प्रोभाइडर डाउन गरेको एक अधिकारीले जानकारी दिए।
‘उसले पेमेन्टको लागि चिठी पठाएको पठायै दियो। हामीले जतिबेला पनि लाइन काटिन सक्छ भनेका थियौँ, आज काटेछ,’ उनले भने।
सरकारले डलर सटही नगरेसम्म इन्टरनेट डाउन नै हुने उनको भनाइ छ।
‘अहिले धेरै जनाको अवरुद्ध छ, यकिन तथ्याङ्क छैन, हामी पत्ता लगाउँदै छ,’ ती अधिकारीले भने।
सञ्चार तथा सुचना प्रविधि मन्त्रालयले मर्मतसम्भार शीर्षकअन्तर्गतको बक्यौता नतिरेको भन्दै विगत ९ महिनादेखि विदेशी मुद्रा सटही सिफारिस गरेको छैन।
तर इन्टरनेट सवा प्रदायकहरुले मर्मतसम्भार गैरदूरसञ्चार सेवा भएको दाबी गर्दै आएका छन्। यसबारे कुनै बेरुजु नरहेको उनीहरुको दाबी छ।
केही समय अगाडिदेखि इन्टरनेट सेवा प्रदायक संस्था (आइस्पान)ले सरकारले विदेशी मुद्रा सटही नगरेकाले ब्यान्डविथको रकम तिर्न नमिल्दा इन्टरनेट हुने चेतावनी दिएको थियो।
भर्खरै
लोकप्रिय
