पोखरा – फ्लोर क्रस गरेर गण्डकीका मुख्यमन्त्री सुरेन्द्रराज पाण्डेलाई विश्वासको मत दिने फणिन्द्र देवकोटालाई नेकपा माओवादी केन्द्रले कारबाही प्रक्रिया अगाडि बढाउने भएको छ।
माओवादीको चिह्न लिएर गोरखा–२ को प्रदेशसभा ९क० बाट निर्वाचित नेपाल समाजवादी पार्टी ९नेसपा० का फणिन्द्र देवकोटा फ्लोर क्रस गरेर पाण्डेलाई विश्वासको मत दिएका हुन्।
संसदीय दलका नेता हरिबहादुर चुमानले ह्विपको उल्लंघन गरेकाले कारबाहीको प्रक्रिया अगाडि बढाउने बताए। ‘आज ह्विप उल्लंघन गरेको देख्यौं। आजै कारबाहीको प्रक्रिया अगाडि बढ्यो’, उनले भने।
पार्टीले स्पष्टिकरण सोध्ने र चित्तबुझ्दो नआएमा कारबाहीको प्रक्रिया अगाडि बढ्ने उनको भनाइ छ।
पार्टीले कारबाही गरेर निष्काष्न गर्दा पद रिक्त हुने चुमान बताउँछन्। ‘दलको विधान अनुसार दलको निर्णय हुन्छ। तर, उनले पार्टीको नाम अर्कै लिएका छन्। तपाईहरुले कानुन हेर्नुहोला कानुनमा त्यस्तो कुरा छैन’, चुमानको दाबी छ ‘जुन चुनाव चिह्न लिएर लडेको हो त्यै चुनाव चिह्न भएको दल नै संसदीय दल हुन्छ। चुनाव चिह्न जस्को हो त्यो संसदीय दल हुन्छ।’
भर्खरै
लोकप्रिय
