दैलेखमा जिप दुर्घटना, ९ जना घाइते

काठमाडौँ – दैलेखमा जिप दुर्घटना हुँदा ९ जना घाइते भएका छन्। शुक्रबार दिउसो दैलेख सदरमुकामदेखि नौमुले जाँदै गरेको कर्णाली प्रदेश ०२००१ च ०७८७ नम्बरको जिप नारायण नगरपालिका–५ धितामा दुर्घटनामा परेको जिल्ला प्रहरी कार्यालय दैलेखले जनाएको छ।

प्रहरीका अनुसार जिपमा ९ जना सवार थिए। जसमध्ये २ जनाको अवस्था गम्भीर रहेको छ भने बाँकी ७ को अवस्था सामान्य रहेकी प्रहरीको भनाइ छ।
उनीहरुको जिल्ला अस्पताल दैलेखमा उपचार भैरहेको छ। जिप दुर्घटना हुनुको कारण भने खुलेको छैन।