रौतहटमा भएको बस दुर्घटनामा परी एक किशोरीको मृत्यु, सात जना घाइते

वीरगञ्ज- रौतहटमा शनिबार बिहान भएको दुर्घटनामा परी एक किशोरीको मृत्यु भएको छ भने सात जना घाइते भएका छन्।

गौर-चपुर सडकखण्डअन्तर्गत गौरबाट भैरहवा गइरहेको ना ७ ख ८४१४ नम्बरको बस गरुडा नगरपालिका १ जयनगरमा दुर्घटनामा परेको हाे।

उक्त दुर्घटनामा परी रौतहट भेलही निवासी १८ वर्षीया नेहा कुमारी गिरीको मृत्यु भएको रौतहटकी प्रहरी प्रवक्ता डिएसपी एलिजा गिरीले जानकारी दिइन्।

दुर्घटनामा परी बसमा सवार सातजना घाइते भएका छन्। तीमध्ये छ जनाको अवस्था मध्यम रहेको तथा एक जनाको अवस्था गम्भीर रहेको गिरीले बताइन्।

घाइतेहरूकाे चन्द्रपुर अस्पतालमा उपचार भइरहेको छ। बसका चालक भने फरार रहेका छन्। उनकाे प्रहरीले खाेजी गरिरहेकाे छ।