च्याउ खाएर तनहुँमा तीन जना बिरामी

पोखरा – तनहुँमा जंगली च्याउ खाएका तीन जना बिरामी भएका छन्। जिल्लाको घिरिङ गाउँपालिका–१ पुट्टार नयाँबस्तस्तीका स्थानीयले जंगलबाट ल्याएको च्याउ खादा बिरामी भएका हुन्।

६० वर्षीय लिलामाया विक, ४० वर्षीय कमला विक र १५ वर्षीय अनिता विक घाइते भएको जिल्ला प्रहरी कार्यालय तनहुँका सूचना अधिकारी डिएसपी दीपककुमार रायले जानकारी दिए।

बिरामी तीनै जनाको स्थानीय धुलीखेल अस्पतामा उपचारपश्चात थप उपचारका लागि मेट्रोसिटी अस्पताल रामपुर पाल्पा लगिएको छ। घटनाको सम्बन्धमा थप अनुसन्धान भइरहेको प्रहरीले जनाएको छ ।