कर्णाली राजमार्ग पुन: अवरुद्ध

मुगु- अविरल वर्षाको कारण कर्णाली राजमार्ग पुन: अवरुद्ध भएकाे छ।

अविरल वर्षाका कारण कालीकोटको गगने खोला, यास मोड, बिर्तामोड, झाम्ला मोड, छेका, मोल्फासहितका विभिन्न स्थानहरूमा लेदोसहित ठूलाठूला ढुंगा झरेर साेमबार बिहानबाट सडक अवरुद्ध भएको सडक डिभिजन कार्यालय जुम्लाले जनाएको छ।

सडक अवरुद्ध हुनेबितिकै स्काभेटरलगायत अन्य मेशिन औजारहरू प्रयाेग गरी सडक खुलाउने कार्य भइरहेको सडक डिभिजन कार्यालय जुम्लाका इन्जिनियर वीरबहादुर जिटीले जानकारी दिएका छन्।

बिहानैदेखि सडक ‍अवरुद्ध भएपछि यात्रु तथा माल बाहक गाडीहरूबीच बाटाेमै राेकिएका छन्।