अ
+
अ
अ
-
वीरगन्ज – नेपाली नक्कली नोटसहित बाराबाट एक जना पक्राउ परेका छन्।नक्कली नोटसहित पक्राउ पर्नेमा बाराको सिम्रौनगढ नगरपालिका–२ महुवाही बस्ने ३५ बर्षका छठु गिरी रहेका छन्।
ईलाका प्रहरी कार्यालय सिम्रौनगढ बाट खटिएको प्रहरी टोलिले सिम्रौनगढ–२ महुवाही स्थित सडक खण्डबाट गिरिलाई पक्राउ गरेको हो।
अन टेस्ट मोटरसाइकलमा जाँदै गरेका उनको साथ बाट एक हजार दरका ८५ थान गरि पचासी हजार नेपाली नक्कली नोट बरामद गरिएको बाराका प्रहरी प्रबक्ता डिएसपी दधिराम न्यौपानेले जानकारी दिए।
पक्राउ परेका गिरिलाई खोटा मुद्रा सम्बन्धि कसूरमा मुद्दा दर्ता गरी अदालतबाट आठ दिनको म्याद लिइ थप अनुसन्धान भइरहेको न्यौपानेले बताए।
भर्खरै
लोकप्रिय
