काठमाडौँ- प्रभु बैंकले थप दुई शाखा विस्तार गरेको छ।
बैंकले आइतबारदेखि लागू हुनेगरि तेह्रथुमको म्याङलुङ नगरपालिका १ मा ३०८ औं र धनकुटाको धनकुटा नगरपालिका ७ स्थित हुलाक टोलमा ३०९ औं शाखा खोली बैंकिङ्ग सेवा सञ्चालनमा ल्याएको हो।
बैंकको म्याङलुङ शाखा र धनकुटा शाखा मार्फत स्थानीय बासिन्दा, सर्वसाधारणहरू, व्यवसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने तथा त्यस क्षेत्रको समग्र आर्थिक उन्नतिमा बैंकले महत्वपूर्ण भूमिका निर्वाह गर्ने विश्वास लिएको जनाएको छ।
बैंक हालै ‘बैंक अफ द इयर २०२३’ को उपाधिबाट पनि सम्मानित र फिनाकल ईन्फोसिस ईनोभेसन गोल्ड- २०२४ अवार्डबाट सम्मानित भएको थियो।
बैंकले नेपालभर ३०९ शाखा, २८६ एटीएम र ६९ एक्सटेन्सन काउन्टर मार्फत करिब ३१ लाखभन्दा बढि ग्राहकहरूलाई बैंकिङ्ग एवं वित्तीय सेवा प्रवाह गरिरहेको छ।
भर्खरै
लोकप्रिय
