सशस्त्र प्रहरी बलद्वारा अस्थायी संरचना बनाई पहिरो रोकथाम

काठमाडाैँ- सशस्त्र प्रहरी बल नेपालले पहिराेकाे जोखिममा रहेका घरहरूलाई अस्थायी संरचना बनाई पहिरो रोकथाम गरेको छ।  

बुधबार सशस्त्र प्रहरी बल नेपालकाे २२ नम्बर गण गुहेश्वरी दुवाकोटले अविरल वर्षाको कारण भक्तपुरका विभिन्न ठाउँमा पहिरो जाँदा जोखिममा रहेका घरहरुमा नजिकै अस्थायी संरचना बनाई पहिरो रोकथाम गरेको हाे।

चाँगुनारायण नगरपालिका ५ छालिङ्गस्थित बन गाउँ र वडा नं. ४ चापाखलमा अविरल वर्षाको कारण पहिरो गई दुई वटा घर जोखिम अवस्थामा रहेको जानकारी पाएपछि सो गणबाट खटिएको सुरक्षा फौज पहिरो रोकथाम कार्यमा जुटेको हो।

त्यस्तै सुर्यविनायक नगरपालिका–१० चित्तपोलस्थित एक स्थानीय व्यक्तिको घर नजिकै पहिरो गई जोखिममा रहेको थाहा भएपछि सो गणबाट खटिएको सुरक्षा फौज पहिरो पन्छाउने कार्यमा जुटेको थियो।

थप तस्बिरहरू