काठमाडौँ – सार्वजनिक लेखा समितिले नेपाल विद्युत प्राधिकरणसँग टाइम्स अफ डे (टीओडी) मिटरको तथ्यांक मागेको छ ।
प्रतिनिधिसभा अन्तर्गतको सार्वजनिक लेखा समितिको शुक्रवारको बैठकपछि प्राधिकरणसँग टीओडी मिटरको डेटा माग्ने निर्णय गरेको हो ।
व्यवसायीले प्रयोग गरेको डेडिकेटेड फिडर र ट्रंक लाइनको बक्यौता उठाउने विषय विवाद हुँदै आएको छ। दुवै पक्षसँगको छलफलपछि समिति सभापति ऋषिकेश पोखरेलले टीओडी मिटरको प्रष्टता के हो प्राधिकरणसँग माग गर्ने निर्णय भएको बताए।
उनले प्राविधिक भए पनि समितिले सधैँ सिद्धान्तमा मात्रै छलफल गरेको बताए। उनले समितिसँग उपलब्ध भएका सम्पूर्ण तथ्य र प्रमाणहरुसहित तयारी गर्ने उल्लेख गरे।
सभापति पोखरेलले तीन दिनभित्र सांसदहरुसँग भएका प्रमाणहरु सचिवालयमा उपलब्ध गराउन निर्देशन दिए। उनले सबै तथ्य, प्रमाण र कानूनका आधारमा सचिवालयले पाँच दिनभित्र प्रतिवेदन तयार बताए।
तर सभापति पोखरेको प्रस्तावप्रति समितिका सदस्य अमनलाल मोदीले विमति राखे। सभापति र मोदीबीच पुन अध्ययन गर्ने विषयमा चर्काचर्की नै भएको थियो।
महालेखाको पछिल्ला प्रतिवेदनले डेडिकेटेड फिडर र ट्रंक लाइनको २१ अर्ब ८८ करोड बक्यौता बाँकी रहेको जनाएको छ भने पाँच वर्षअघि लेखा समितिले नै गरेको अध्ययन प्रतिवेदनमा १० अर्ब १४ करोड मात्रै बाँकी रहेको उल्लेख गरिएको छ।
भर्खरै
लोकप्रिय
