काठमाडाैँ- डेङ्गीका कारण यस वर्ष नेपालमा ४ जनाको ज्यान गएको छ। बिहीवार सिंहदरबारमा बसेको समितिको बैठकमा स्वास्थ्य तथा जनसङ्ख्यामन्त्री प्रदीप पौडेलले सो जानकारी गराएका हुन्।
मन्त्री पौडेलका अनुसार ६ हजार ८३१ जनामा डेङ्गी सङ्क्रमण भएको छ भने ७५ जिल्लामा फैलिएको छ।
त्यस्तै झाडा पखालाका कारण बाँके जिल्लाको नरैनापुर गाउँपालिकाको वडा नम्बर ३ मा ४ जनाको मृत्यु भएको छ। मृत्यु भएका मध्येएउटै परिवारका ३ जना रहेका छन्। सोको कारण पत्ता लगाउने काम भइरहेको छ।
जापनिज इन्सेफ्लाइटिस नयाँ प्रकोपका रुपमा नेपालमा भित्रिएको र जसबाट चितवन र कैलालीमा ३ जनाको मृत्यु भइसकेको उनले जानकारी दिए।
जापनिज इन्सेफ्लाइटिसकाे शङ्कास्पद केसको सङ्ख्या ६२७ रहेको छ। त्यस्तै २८ जनामा पुष्टि भइसकेको छ।
उनले सिंहदरबार वैद्य खानालाई थप स्तरोन्नति गरी २० किसिमका आधारभुत आयुर्वेदिक औषधिको उत्पादन गर्नेगरी काम शुरु गरिएको जानकारी दिए।
यता, स्वास्थ्य तथा जनसंख्या मन्त्रालयका सचिव डा. रोशन पोखरेलले जापनिज इन्सेफ्लाइटिसमा नियमित खोप कार्यक्रम सञ्चालन गरेको बताए। प्रकोप भएका बेलामा खोप लगाउन हुँदैन।
भर्खरै
लोकप्रिय
