
काठमाडौं- विश्वकप लिग-२ अन्तर्गतको क्यानडामा जारी त्रिकोणात्मक एकदिवसीय सिरिजको दोस्रो खेलमा पनि नेपालले खराब सुरुवात गरेको छ। टस हारेर पहिले ब्याटिङ गरेको नेपालले ३१ रन जोड्दा आफ्ना महत्वपूर्ण तीन विकेट गुमायो।
नेपालले आजपनि अपेक्षीत सुरुवात गर्न सकेन्। नेपालका लागि ओपनर अर्जुन साउद ५ रनमा आउट हुँदा आसिफ शेख ११ रनमा पेभिलियन फर्किए। त्यस्तै भिम सार्की पनि ११ रन बनाएर आउट भए। अहिले क्रिजमा कप्तान रोहित पौडेल २ तथा आरिफ शेख ६ रन बनाएर खेलिरहेका छन्। नेपालले १६ ओभरको समाप्तीमा ३ विकेट गुमाएर ३७ रन बनाएको छ।
ओमानका लागि कालेमुल्लाह, सोइब खान र फह्यात बटले समान १-१ विकेट लिए। नेपालले आज ओमान विरुद्ध टस हारेर पहिले ब्याटिङ गरीरहेको छ। नेपालले टोलीमा आज तीन परिवर्तन गरेको छ। यसअघि टोलीमा रहेका ओपनर कुशल भुर्तेल, कुशल मल्ल र दिपेन्द्र सिंह ऐरीलाई बेन्चमा राख्दा उनीहरुको स्थानमा अनिल साहा, आरिफ शेख र अर्जुन साउदलाई टिममा समेटेको छ।