झापा- दसैँ नजिकिएसँगै भारतीय सीमावर्ती बजारमा नेपालीहरूको भीड लाग्न थालेको छ।
शनिवार पूर्वी सिमाना नजिक रहेको भारतीय बजार पानीटेंकीमा नेपालीहरूको भीड लागेकाे छ। नेपालीहरूको भीडका कारण नेपाल-भारत सीमामा पर्ने मेची पुलमा जाम लागेको छ।
भारतीय बजारमा सामान सस्तोमा पाइने भएकाले नेपालीहरू किनमेलका लागि त्यतातिर जाने गरेका बजार जानेहरू बताउँछन्।
सस्तो मूल्यमा सामान पाइने लोभले पानीटेंकी जाने उपभोक्ताको सङ्ख्या ठूलो छ। दशैं नजिकिएपछि सर्वसाधारणको थामिनसक्नु भिडका कारण त्यहाँका व्यापारीहरूलाई भ्याइनभ्याइ भएको छ।
दसैँको मुखमा दाल, चिनी, मरमसला, कपडा सस्तोमा पाइने भन्दै नेपाली उपभोक्ता भारतीय सीमावर्ती बजार जाने गरेका छन्। पूर्वी नेपालका काँकरभिट्टा, बिर्तामोडलगायतमा बजार क्षेत्रमा रोजाइका व्यापारिक मल भएपनि नेपाली उपभोक्ताको रोजाइ पानीटेंकी बजार भएपछि पूर्वका नेपाली व्यापारी भने मारमा परेका छन्।
भर्खरै
लोकप्रिय
