अ
+
अ
अ
-
वीरगञ्ज- पेस्तोल बोकेर दुर्गा मेलामा पुग्ने एक जना रौतहटबाट पक्राउ परेका छन् ।
पेस्तोल र गोलीसहित पक्राउ पर्नेमा रौतहटको देवाही गोनाही नगरपालिका- ६ बस्ने ५६ वर्षीय भोला राय यादव रहेका छन् ।
सोही स्थानमा लागेको दुर्गा मेलाबाट उनलाई पेस्तोल र गोलीसहित पक्राउ गरिएको रौतहटका प्रहरी प्रबक्ता एवम् डिएसपी दिपककुमार रायले जानकारी दिए ।
पक्राउ परेका यादवको साथबाट मेड इन युएसए नौ एमएम लेखिएको अटोमेटिक पेस्तोल एक थान, एक थान म्यागेजिन, नौ एमएमको गोली चार राउन्ड सट गनको गोली दुई राउन्ड बरामद गरिएको उनले बताए ।
यादवलाई प्रहरी नियन्त्रणमा राखी थप अनुसन्धान भइरहेको रायले बताएका छन् ।
भर्खरै
लोकप्रिय
