मुगु – छायाँनाथरारा नगरपालिकाको पहलमा निर्माण गरिएको चैन खोला झोलुंगे पुल निर्माण सम्पन्न भएको छ। १४४.४४ मिटर लम्बाइ र २७ मिटर उचाइको यो पुलले स्थानीय बासिन्दाको जीवनमा महत्वपूर्ण परिवर्तन ल्याएको छ, जसले गाउँ र बजारलाई सिधा रुपमा जोडेको छ।
यो पुल निर्माणका लागि कुल ३ करोड ११ लाख ९५ हजार ७ सय १० रूपैयाँ लागत रहेको छायाँनाथरारा नगरपालिकाका सब इन्जिनियर कर्णराज भामले जानकारी दिए।
परियोजना २०८१ साल वैशाख ३१ गते सम्झौता भई निर्माण सुरु गरिएको थियो र २०८१ पुस मसान्तसम्म सम्पन्न गरिसक्नुपर्ने सम्झौतामा उल्लेख भए पनि फिनिसिङबाहेक पुलको सबै काम सकिएको उनले बताए। कर्णाली इम्फास्ट्रक्चर डेभलपमेन्ट सर्भिस प्रालिले यो पुल निर्माणको जिम्मा लिएको थियो।
स्थानीय बासिन्दाले पुलको निर्माणलाई आफ्नो जीवनस्तर सुधार गर्ने महत्वपूर्ण कदमका रूपमा लिएकाे र यसले सम्पूर्ण क्षेत्रको विकासमा योगदान पुर्याउने
छायाँनाथ रारा नगरपालिकाका नगर प्रमुख बिष्णुकुमार भामले विश्वास व्यक्त गरेका छन्।
भर्खरै
लोकप्रिय
