काठमाडौँ- हनी ट्र्याप घुस प्रकरणमा अनुसन्धानमा तानिएकी भैँसेपाटीमा कार्यरत प्रहरी इन्स्पेक्टर बिनु शाहीविरुद्ध अदालतबाट पक्राउ पुर्जी जारी भएको छ। उनीविरुद्ध पक्राउ पुर्जी जारी भएको प्रहरीले जानकारी दिएको छ।
भैँसेपाटीमा घरजग्गा कारोबारीलाई हनीट्रयापमा पारेर रकम असुलेको घटनाबारे अनुसन्धान गर्न ललितपुर अदालतले उनलाई पक्राउ गरेर अनुसन्धान गर्न अनुमति दिएको हो।
व्यवसायीलाई ‘बलात्कार मुद्दामा फसाउँछौँ’ भन्दै हनिट्रयापमा पारेर रकम असुलेको आरोपमा उनकै सहयोगीहरु सहायक हवलदार सहित चारजना थुनामा छन्। सुष्मा बिक र इटहरी घर भएका ताज मुल इस्लाम, भिमादेवी थापा र सहायक हवलदार महेन्द्र हमाल पक्राउ परेको पनि प्रहरीले जानकारी दिएको छ।
ललितपुरको सानागाउँमा घरजग्गा कारोबारीबाट ३० लाख रुपैयाँ असुलेको घटनामा प्रहरी प्रभाग भैँसेपाटीकी इन्स्पेक्टर बिनु शाही पनि मिलेको ती व्यवसायीले आरोप लगाएका छन्।
भर्खरै
लोकप्रिय
