
वीरगञ्ज – लागुऔषधसहित वीरगञ्जबाट दुई जना पक्राउ परेका छन्। पक्राउ पर्नेमा बारा महागढीमाई नगरपालिका–७ तेलकुवा बस्ने २० बर्षीय ओमबाबु कुशवाहा र सोही स्थान बस्ने २० बर्षीय शैलेश यादव छन्।
वीरगञ्ज महानगरपालिका १४ गण्डक चोकस्थित चेकजाँच गर्नेक्रममा वीरगञ्जबाट काठमाण्डौतर्फ जाँदै गरेका ना.६ ख ७२२७ नम्बरको बसबाट दुबैजनालाई प्रहरीले पक्राउ गरेको हो ।
पक्राउ परेका ओमबाबुको साथबाट एक हजार ४८१ पिस लागु औषधः–नुरफिन,डाइजेपाम र फेनारगन तथा शैलेसको साथबाट एक हजार ५१५ पिस नुरफिन,डाइजेपाम र फेनारगन गरी जम्मा दुई हजार ९९६ पिस बरामद गरिएको पर्साका प्रहरी प्रबक्ता एवम् डिएसपी दिपक भारतीले जानकारी दिए।
पक्राउ परेका दुबैजनालाई लागु औषध सम्बन्धी कसूरमा अदालतबाट पाँच दिनको म्याद थप गरी कारवाही प्रक्रिया अघि बढाइएको भारतीले बताए ,।